1. Þeir sem hafa pantað gistipláss í skálanum njóta forgangs. Skálavörður ráðstafar fólki í gistirými.
2. Ekki má brenna sorpi á staðnum, gestir skulu taka með sér allt ólífrænt sorp til byggða.  Lífrænt sorp má urða á staðnum.
3. Reykingar eru stranglega bannaðar innan dyra.
4. Ofneysla áfengis getur valdið brottvísun úr skála eða synjun um dvalarleyfi.
5. Óheimilt er að hafa hunda eða önnur gæludýr innan dyra. 
6. Öllum ber að greiða fyrir afnot af skálanum. Ef skálavörður er ekki á staðnum má setja greiðslu í rauða sparigrísinn eða leggja greiðslu inn á reikning félagsins.
7. Gestum skálans ber að þrífa hann við brottför og skilja við hann eins og þeir vildu koma að honum.
8. Gestum ber að skola salerni eftir notkun og bursta ef með þarf og skilja við þau handa næsta manni eins og þeir vilja koma að þeim.
9. Virðið fyrirmæli skálavarðar og landvarðar. Virðið reglur hússins og takið tillit til annarra gesta. Ró skal vera í húsinu frá kl. 24.00 – 07.00.
10. Farið varlega og sparlega með gas og eld. Skiptið ekki um gaskúta inni í húsi. 
11. Sýnið viðkvæmri náttúrunni virðingu og gangið helst ekki utan merktra gönguleiða.

Vonum að þið njótið dvalarinnar á Lónsöræfum.